I-Homecoming Season 2 iletha umtjhiso elokitjhini le-Okhambeni

I-Homecoming Season 2 iletha umtjhiso elokitjhini le-Okhambeni ngokuletha abalingisi abathathu abatjha. 

Ngokuya kwe-Bona Magazine, uMavuso Simelane, uZesuliwe Hadebe noMbali Cele bangene ku-telenovela ye-Mzansi Wethu.


Ngokuya kombiko we-Bona Magazine, uMavuso Simelane ujoyine abalingisi njengoMsizi Dlamini, isazi se-geology esibuyela e-Okhambeni emva kweminyaka. 

Ukubuya kwakhe kwakhe akusiyo into ejabulisako ngombana ubuyele ngemva kokobana imisebenzi yakhe engakalungi yebhizinisi imthole.

FUNDA NALOKHU: https://ilangabinews.co.za/ugabisile-ulungiselela-ukunyakazisa-izinto-ku-inimba-season-2/

UMsizi kufanele bonyana aqalane nemuva lakhe elibuhlungu ngesikhathi afuna ukuthenjwa babantu abamzungezileko.

USimelane utjele i-Bona Magazine bonyana ababukeli bazokubona indima yakhe ilwela ukuzilungisa njengoba adela izinto ezibalulekileko epilweni yakhe ekulingeni ukuya phambili.

UZesuliwe Hadebe yena ungena endimeni kaMakhosazana, uMaDlamini, uDlamini, umama kaMsizi noConstable Dlamini.

Ngemva kokukhulisa abantwana bakhe yedwa ngesikhathi asebenza emakhitjhini, waba mumuntu obamba umndeni woke bonyana ubeyimbumba. 

Indaba yakhe kulindeleke bonyana ihlole ukuqina, ukuzidela kanye neentjhijilo zoba ngumama.

UMbali Cele naye wajoyina i-series njengoNesi Busi Nyembe, umzala kaMaNkwanyane ovela eNewcastle. 

UBusi usebenza emtholapilo we-Okhambeni, begodu uhlathululwe njengomuntu onomusa begodu nothembekileko.