Ibheyili kaEmtee isulwa ngemva kwemilayezo ye-whatsapp

I-Rapper uMthembeni Ndevu, owaziwa ngoEmtee, ubuyele ejele godu ngemva kokuthi iKhotho kaMarhastrada yeMidrand isule ibheyili yakhe ngoMvulo. 

Ukubuyela kwakhe ejele kuvela ngebanga lemilayezo ye-WhatsApp okuthiwa wayithumela kumkakhe osele ahlukene naye, uNicole Chinsamy. 

UEmtee uphule umthetho we-protection order avulelwe nguNicole Chinsamy ngonyaka ka-2023.

Ngokuya kombiko we-TshisaLIVE, i-protection order ihlose ukuvimba umvumi wengoma ye-Roll Up ukuthi angahlukumezi uChinsamy ngamazwi noma amhlasele eenkundleni zokuthintana. 

Lokhu akusikho kokuthoma abanjwa ngebanga lendaba le. 

Ngomhlaka 11 Mngwengweni, u-Emtee wanikezwa ibheyili ye-R1,000 ngemva kokuhlala ubusuku bunye esitetjhinini samapholisa eMidrand, begodu bekungebanga lokuphula i-protection order efanako.

Amalanga ambalwa ngaphambi kokobana ibheyili yakhe isulwe, u-Emtee ubeke isitatimende eside eenkundleni zokuthintana ngomhlaka 6 Velabahlinze 2026.

Kulapho akhuluma ngesimo sakhe sokukhulisa abantwana bakhe no-Chinsamy esingasisihle, abantwana bakhe, kanye nabalandeli abalandele ipilo yakhe yomuntu siqu egcwele iinkinga.

“Ngiyaxolisa ngobuhlungu, ukudana kanye nokugandeleleka ngokomkhumbulo okubangwe likhambo lethu.

Nanoma ubudlelwano boke buneentjhijilo, ngiyavuma ukuthi bekukhona iinkhathi lapho bekumele ngitjengise ukuzwisisa, izwelo, nokuvuthwa ngokwencondo. 

Ngalokho, ngiqolisa ngehliziyo yoke.”