Kuphekghuke irawurawu ku-Durban July 2025, ukhumbula isehlakalo

I-Hollywoodbets Durban July idume ngefetjheni esezingeni eliphezulu.

UDominic Zaca odume eenkundleni zokuthintana ukhulume ngesehlakalo esimbi esamehlakalelako.

UZaca uveze eenkundleni zokuthintana ngomhlaka-5 kuVelabahlinze 2026 bonyana wahlukunyezwa sithandwa sakhe sangaleso sikhathi emnyanyeni lo ngonyaka ka-2025.

U-Zaca waveza godu bonyana ekuthomeni, bekumele adose amehlo ngo-2025, ambathe iimpahla ezihle ezithungwe yi-Indoni Fashion House, ezifakwe ama-‘pearls’. 

Kodwana, akhange athole ithuba lokuvela ngezambatho zakhe zakanokutjho.

FUNDA NALOKHU: https://ilangabinews.co.za/usese-senarheni-le-undoyisile-ubonakala-ku-hollywoodbets-durban-july-2026/

Lokha nakalungiselela umnyanya lo ekamerweni lakhe lehotela, umlingani wakhe wambeka isandla begodu wona nezembatho zakhe ezenzelwe yena kuphela.

“Angekhe ngalibala itjhada lela lokha nakangihlukumezako, itjhada lama-‘pearls’ wami nakawela phasi.”

Lokha uZaca alele embhedeni athoba amanceba wakhe enyameni nemoyeni, isthandwa sakhe samtjhiya sayokugidinga.

Unyaka lo, uZaca wamukele isimemo sokubuyela ku-Hollywoodbets Durban July, ebegade ibanjwe e-Greyville Racecourse.

Isimemo lesi esisemthethweni sivela kukhampani yeenkoloyi i-Omoda.