Skeem Saam teaser: uMapitsi uyanyamalala, uTbos uyabotjhwa

Kuthiwa uTbose uzokubotjhwa ku-Skeem Saam ngemva kokunyamalala kwakaMapitsi.Umlingisi we-Skeem Saam uHungani Ndlovu odlala indima kaTbose Maputla uzokulilelwa ziinsimbi.

Ibangelo yalokho kunyamalala komkakhe, uMapitsi Maputla odlalwa nguMoagi Keebine, onyamala endaweni yeTurfloop.

Ngaphambili, uMapitsi wabanga irawurawu emtjhadweni wakhe nakazakulinga ukufaka isehlukaniso.

Lokhu kwenzeka ngombana wabanjwa nguTbos Maputla ngeziga zakhe zokungathembeki nokungahloniphi iimfungo zabo.

Ababukeli beSkeem Saam nabo batjhinga eenkundleni zokuthintana bagidinga indaba yokuthi umdlalo lo ufinyelele iingidi ezi-5 zababukeli (5 million viewers).

‘I-TVSA Skeem Saam July 2026 teasers‘ iveza bonyana uTbose uzokubotjhwa ngemva kokunyamalala kwakaMapitsi.

Ama-teaser we-Skeem Saam aveza bonyana ngoLosibili, Ngomhlaka 21 Velabahlinze 2026: “Umphakathi weTurf uthuswa ziindaba yokubotjhwa kwakaTbose.”

Kanti-ke NgoLosine, 30 Velabahlinze 2026, umngani kaMapitsi uFentse, uzokunikeza amapholisa ilwazi elibalulekileko mayelana necala lokunyamalala kwakaMapitsi.

Ubabazala kaMapitsi, uJohn Maputla odlalwa nguAfrica Tsoai, uzokusola uLeeto odlalwa nguEric Macheru, ngokubotjhwa kwakaTbose, ongumfowabo omncani.