U Sindi Dlathu ukhuluma ngesizathu sokufihla ipilo yakhe

Umlingisi u Sindi Dlathu ukhulume ngesizathu sokuthi kungani afihla ipilo yakhe yangasese.

U Dlathu, waziwa khulu ngokudlala u Lindiwe Dikana ku-The River.Ngaphambilini, u Dlathu wadlala indima ka Thandaza ku Muvhango.

Umlingisi lo odumileko uvuse iinkulumo khulu ngemva kokujoyina i-The Four of Us, i-telenovela ethathe indawo ye-Scandal! ku-eTV.

Umsebenzisi weenkundla zokuthintana u-@stHonorable wabelane ngevidiyo ka Dlathu anomlingisi u Winnie Ntshaba ekhasini lakhe le-X ngomhlaka 30 Mrhayili 2026.

“U Sindi Dlathu no Winnie Ntshaba ngibo bodwa abosaziwako abanganazo iingaxa ezaziwako emisebenzini yabo.

Bazwisisile ukubaluleka kokufihla iimpilo zabo, nanoma baphambi kwamehlo wemiphakathi,” kwatlola u @stHonorable.

U Dlathu uveze ku Sunday Times bonyana bekafuna ukwaziwa ngemisebenzi yakhe.

“Ipumelelo ayifani kubo bonke abantu. Kwabanye abantu, ukubonakala emehlweni womphakathi kuyingxenye yepumelelo; kwabanye akusi njalo.

Umuntu ngamunye kumele azikhethele ukuthi ipumelelo ibonakala injani kuye nokuthi uyayiphila na,” kwatjho u Dlathu.