U Thuso Mbedu uphendula ama hem-hem womjolo no DJ Sbu

Abantu eenkundleni zokuthintana bamangalele ama hem-hem atlolwe ngu @ChrisExcel102 ngomlingisi u Thuso Mbedu kanye no DJ Sbu.

U @ChrisExcel102 utlole umbuzo ekhasini lakhe le-X wokuthi kanti u DJ Sbu ujola no Thuso Mbedu na.Ngemizuzwana embalwa nje kuphela, umtlolo lo wasabalala nje ngomlilo ku X (ebegade ibizwa ngokuthi yi Twitter).

Lokhu kukatelele bonyana umlingisi we The Woman King bonyana aphendule ama hem-hem la.

U Mbedu (34) ofihla iindaba zepilo yakhe emehlweni womphakathi uphendule emtlolweni lo ngomhlaka 15 Mngwengweni 2026.

FUNDA NALOKHU: https://ilangabinews.co.za/umhlaba-uthokozela-ubujamo-bukathuso-kutask/

Umlingisi olingisa nemidlalweni yangaphetjheya, uphendule ngokusilingeka wathi, “unyoko loyo”.Ngakwelinye ihlangothi, u DJ Sbu uthome ngokubethisa ama hem-hem la ngomoya.

Kodwana kwathi ngomhlaka 16 Mngwengweni 2026, umsunguli we Mofaya watjhinga ku X waphendula. U DJ Sbu uphendule wathi, “nanoma abantu bakhuluma amanga, abantu bayalazi iqiniso”.