UL’vovo uveza iintjhijilo ahlangabezene nazo ngokugula kuGagasi FM

Umvumi weDurban uL’vovo uvele kuGagasi FM ehlelweni le-Sunday Devotion noLinda Sibiya.

UL’vovo ukhulume ngokululama kwakhe ku-‘stroke’, wakhuluma nangesigaba esibuhlungu esalandelako epilweni yakhe.

Abalandeli ebegade babukele umcociswano wabo emrhatjhweni bamangalele ukubona ukuthi umvumi lo sele ahluke kangangani. UMthokozisi Khathi (L’vovo), ngomunye owaba nephimbo elidume khulu eSewula Afrikha ngomvumo weGqom ohlanganiswe neMaskadi.

Wahlaselwa bulwelwe beswigiri ngonyaka ka-2022, okwenza bonyana agqine sele ehlile nemzimbeni.

Umcociswano wabo ubengesinye isinyathelo asithethe pepenene, kusukela athoma ikhambo lakhe lokululama.

Umvumi wengoma eyadumako ngaphambilini i-Bayangsukela akhange akwazi ukubamba imizwa yakhe nakaqala emuva kuzo zoke izimo adlule kizo nakulokho asadlula kikho.

FUNDA NALOKHU: https://ilangabinews.co.za/kunuka-ukutjha-esthenjini-sakampumelelo-mseleku/

“Ngizizwa ngibuhlungu ngombana ngiyazi lapho engibuya khona neentjhijilo engihlangabezene nazo.

“Angazi bonyana ngifike njani la, kodwana ithemba lami kuZimu lingivumele bonyana ngibe la namhlanje,” waveza.

Uveze nangendlela alobe abantu egade abathembileko epilweni, isimo sepilo nasitjhugulukako.”Ngiphile ipilo ehle, nginayo yoke into engiyidingako.

Kodwana kwathi nangilahlekelwa ngikho koke, abantu bathoma bazisusa kimi. Kodwana uZimu wathi akukapheli,” watjho abonakala bonyana uthintekile.