Usindise iSewula Afrika godu uMbatha emdlalweni we AFCON 

Bafana Mabena

Umswa oneminyaka ema  24 odlalela  iOrlando Pirates usindise isqhema saka Hugo Broose godu ngemva kokobana iSewula Afrika ithumbe ngamagondelo amathathu emagondeleni amabili.

uMbatha ungene ngemizuzu ematjhumi alikhomba nahlanu.

Ukuthumba kweSewula Afrika kwenze bona kube mdlalo wabo wokuthoma abawuthumbako ku group K.

Hlangana kwabadlali ebebakhona namhlanjesi kubalwa hlangana uSiyabonga Ngezana okubonakala ngathi akhenge Abe nomdlalo omuhle namhlanjesi ngemva kokobana enze I penalty okwenze bona umswa we Sewula ye Sudan u Tito Odong Okello  avalele igondelo ngemizuzu elitjhumi 

nahlanu umdlalo uthomile.

Kuthe ngemizuzu ematjhumi amabili umdlali wesqhema se Polokwane City Oswin Appollis avelele igondelo elihle okwenze bona zombili iinqhema zilingane 

Ngamagondelo.

Uthole elinye igondelo godu u Appollis okwenze bona ISewula Afrika Iyokuphumula ikhambha phambili ngamagondelo amabili egondolweni linye.

Kuthe umdlalo nawubuya ukuyophumula salinganisa isqhema se South Sudan. 

Kodwana kuthe umdlalo nawusesikhathini saka sofengwana sokuphumula wavalela igondelo elihle uMbatha okwenze bona iSewula Afrika izitholele amaphuzu amathathu. 

Ukuthumba kwabo namhlanjesi kwenze bona babe sebujameni obuhle bokudlulela emzombeni olandelako we 2025 AFCON Qualifiers.

Emdlalweni odlulileko egade uhlangana kwe Sewula Afrika ne narha ye Uganda uvalele igondelo elihle godu elisindise inarha bona ingatholi iinduku ngemva kokobana usomapala we Bafana Bafana u Veli Mothwa enze imitjhapo emibili.

Kodwana kuthe ngemizuzu ematjhumi alithoba nahlanu leza isokana lavalela igondelo elihle ngehlangothini le Sewula Afrika.

Lokho kwenze bona umdlalo uphelele ngokulingana ngamagondelo amabili ngapha namabili ngale.