U Tirelo ukhangisa imikhiqizo no mamazala

U Tirelo Kale no Mamazala wakhe u Mayeni Mseleku batjengise bazwana khulu.

Lokhu kubonakale ngemva kokufaka i vidiyo yabo eenkundleni zokuthintana.

U Tirelo Kale onobudlelwano no Mpumelelo Mseleku uvele ku vidiyo akhangisa imikhiqizo yokuzela iinhluthu no Mma we sokana lakhe.

U mama lomntwana ka Mpumelelo uyi ‘brand ambassador’ ye Dark ‘n Lovely. Lokho kutjho ukuthi ukhethwe lirhwebo lelo bonyana alijamele.

Ingasi lokho kuphela, kodwana abuye godu akhangise igama kanye nemikhiqizo ethengiswa lirhwebo lelo.

Ukumrhelebha bonyana akhangise, u gogo ka Singabakho, u Mayeni ovela ehlelweni le Uthando Nes’thembu usebenzisane naye ngombana baneenhluthu ezifanako.

Bobabili bazesane iinhluthu ngemikhiqizo ye Dark ‘n Lovely emitjha.

Ku Vidiyo le u Mayeni udlalisa u Tirelo ngokuthi iinhluthu zakhe zomile, okutjengisa ukuzwana okukhulu.U Kale utjengisa uthando ku Mayeni.

Utlole umlayezo omncani wathi kuzo zoke iinkathi, uMayeni umkhombisile bonyana ukuqina kubonakala kuyinto enjani.

Uthi okhunye akufunde kuye kujama rwe, ukuthanda nokungalahli ithemba.