U Pearl Modiadie uvalelisa umdlalo ngokukhulu ukujabula
Umlingisi we Rhythm City waphambilini u Pearl Modiadie uqinisekise ababukeli ngokutjhiya umdlalo we Law, Love and Betrayal.
Ngaphambilini, u Modiadie ukhulunywe khulu nakazakuthola iskhundla sokuba mlingisi omkhulu u ‘Ayanda Gumede’ emdlalweni lo ka mabonakude.
Godu ube waphendula ngaphambilini eenthombeni zakhe no baba lomntwana eenkundleni zokuthintana ngo ‘Good Friday’.
Umlingisi lo, wazise ukukhamba kwakhe emdlalweni lo ngomhlaka 8 Mngwengweni 2026 ekhasini lakhe le-Instagram.
Utlole ekhasini lakhe ngokuya kwe Briefly News, wakhuluma ngobungani esele babakhileko nekhambo elihle elibalethe emdlalweni lo.
Uthi ngemva kokuvalelisa i Law, Love and Betrayal Season 2, uzithola akhumbula emuva begodu agcwele ukujabula.
U Modiadie utlole godu bonyana ujabuliswa ziindatjana ebakwazileko ukuzitjela ababukeli babo.
Uthokoza nabantu ebegade asebenzisana nabo abaphenduke baba bangani, iinhleko nabegade babenza i-makeup nalokha nabazakugadangisa umdlalo.
U Modiadie uthokoza boke abantu abegade asebenzisana nabo emdlalweni lo, abanye akusibo abalingisi, kodwana basebenza ‘behind the scenes’ emdlalweni lo ovela ku DSTV.
