17 years, 8 kids, 1 second wife manje kuthiwa babuyelene
Amahem-hem wokubuyelana kwakaNozipho Ntshangase kanye noZola Ntshangase arhatjheke eenkundleni zokuthintana.
Lokhu kuvela ngomhlaka 13 Velabahlinze 2026 ngemva kokuthi bahlukane ngendlela ebuhlungu emehlweni wabantu ngonyaka ka-2025.
Nje, abantu abanengi baveza imibono yabo ngeensolo zokubuyelana kwakaNoz owaziwa ku-The Mommy Club ku-Showmax, nendoda yakhe yaphambilini uZola, okhewafaniswa noJonasi we-The Polygamist.
Iinsolo lezi zisukela emtlolweni ka Kgadi_yaMoloto ku X(Twitter ngaphambilini), nakathi, “Kuthiwa, kuthiwa babuyelene. 🥰”
Laba ababili babesematheni unyaka woke ka-2025 ngebanga lendlela ebahlukana ngayo. Godu kwenziya kukobana banabantwana abahlanu ekungebabo bobabili, bese uZola abenabantwana abathathu angene nabo emtjhadweni.
FUNDA NALOKHU: https://ilangabinews.co.za/ulatoya-makhene-ukhuluma-ngokuphelwa-kwe-the-makhenes/
Ukuvela kwevidiyo yabo ngo-2024 lapho baqabana phambi kwabantwana – yarhatjheka eenkundleni zokuthintana, begodu kwabanga iinkulumo kubalandeli.
Irawurawu le iphekghuka nje, kungebanga lokuthi uZola wavinjwa ukuphuma emzini wabo ukuthi atjhinge eendaweni zakhe.
Ngemva komtjhado kaZola noMisokuhle Nomsheshe, (obegade aneminyaka ema-25 ngonyaka ka 2025), uNozipho watjhiya umuzi wakhe wathatha abentwana bakhe.
Wathi ukhetha ukuziphilela nabentwabakhe ngemva kweminyaka ema-17 atjhade noZola.Nje, abalandeli banethemba lokobana lokhu akusizo iinsolo kwaphela.
