Akekho obone lokhu kuza ku Makhumalo

Umnini wamarhwebo no waziwa khulu ehlelweni le-Uthando Nesthembu, u Thobile ‘Makhumalo’ Mseleku, uvulele abalandeli bakhe isfuba ehlelweni le-Engineer Your Life Podcast no Lungelo KM.

Okudosa amehlo nje akusikho lokhu akhulume ngakho ehlelweni le podcast kuphela, kodwana kungendlela abalandeli bakhe batjengise amazizo wabo ngokuziphatha kwakhe nabegade aqoqa ngalokho okwenzeke ku sizini yobunane (season 9).

Ku-podcast, uMakhumalo uvumile bona ukusebenza kwakhe ngokuzikhandla kube nomthelela emendweni wakhe.

U Makhumalo uveze godu bonyana akazisoli ngokungena esthenjini ngombana wazi ikambiso yesthembu kodwana wathi umendo wakhe no Musa Mseleku ufuna sengathi ungangazijameli nje ngomuntu wengubo ofisa ukusebenzela izinto zakhe.

Into abalandeli abayithokozele khulu kukuzithemba kwakhe okutjha.

Baveze imibono yabo ku -YouTube.Bathi utjhuguluke khulu ku sizini yobunane (season 9) kunamanye ama sizini adlulileko.

Ezise matheni: https://ilangabinews.co.za/makhumalo-usolwa-ngokubabayo-ngomakhwela-engxoxweni-yeradio/

Nanyana kunjalo, abalandeli bakhe abanengi bajabulele ukumbona akhuluma ngokukhulu ukuthabuluka no Lungelo KM.

Abanye bathi bajabulela bonyana ukhuluma ngehlonipho nakakhuluma ngomndeni wakhe.

Lokho okhunye uMakhumalo akuvezileko buhlungu bakhe ngokulethwa komfazi wesihlanu obuya endaweni yangekhabo.

Uthe lokho okwenze ngu baba wakwakhe uMusa Mseleku kutjengise ukungahloniphi iithembiso kanye neemfungo zomendo wabo.

Abalandeli akhange bagqile kukho okubhlungu okuvele kumabonakude kuphela ku sizini le.

Kodwana bagqile ekukhuleni kwakhe nasekuthuleni kwakhe njengo muntu wengibo ozijameleko begodu ozwisisa ikhambo lakhe lepilo

Nanzi ezinye: https://ilangabinews.co.za/izambatho-zamandiya-zivuselela-isithunzi-samasiko/