I Skeem Saam sithokoze ababukeli

Umdlalo wa kumabonakude i Skeem Saam sithokoze ababukeli ngokubukelwa kanengi.

Umdlalo ofundisa kabanzi ngeentjhijilo abantu abahlangabezana nazo iveze eenkundleni zokuthintana bonyana ifinyelele ukubukelwa iingidi ezihlanu (5 million views).

Umdlalo ovela ku SABC 1 uthokoze ababukeli baso ekhasini le X (ebegade ibizwa nge Twitter ngaphambilini) ngomhlaka 29 Mrhayili 2026.

“I ‘5 million views’ begodu sisaqhubeka nokubala. Sithokoza ukubukela kwenu, ukwabela ngemibono yenu kanye naso soke iskhathi enisiqeda nathi.

Ithando le Skeem Saam lihlezi likhula ngebanga lenu!

Lokhu akusiziinomboro kuphela kodwana mndeni, isiko, iindatjana kanye ne lizwe elibukela loke,” kwatjho I Skeem Saam njengoba kuvezwe yi Briefly News.

U Buntu Bokweni uphawule ngalokhu okutlolwe yi Skeem Saam eenkundleni zokuthintana njengoba kubikwe yi Briefly News.

U Bokweni uthe umdlalo lo ukhethekile begodu lokhu abakuvezako kumabonakude ngilokho okwenzekako emiphakathini.

Wabuya godu wathi kulula ukuzihlobanisa nawo waqeda ngokutjho bonyana ba ragele phambili.