Ama-snack amathathu avikela isisu sakho ebusika

Ubusika sebufike ngamandla e Sewula Afrika. Kufanele sidle ama-snack asuthisako kodwana avikela isisu ebusika nje.

Nakufika ubusika, ukhanuka ukuzithola ngaphakathi kweengubo, uhlale phambi kwe-fireplace, usele ne-hot chocolate etjhisako.

Kuthi nakumakhaza nje, isisu sithande ukudla okutjhukisako. Isopo etjhisako, i-stew, i-lasagna, i-pudding kanye ne hot chocolate. 

Kodwana kulula ukudla ngokweqileko. Sithanda ukudla khulu bese sikhule emizimbeni ngendlela engasijabulisi.

Asikho isizathu sokuzizwa uneqala ngalokhu kudla ngombana kukhona ukudla kokubambisa okungekhe kwakukhuluphalisa ngokweqileko.

1. AMA-ABHULA ASIKIWEKO + PEANUT BUTTER 

Kulula, ungakwenza ngeskhatjhana esincani begodu kuyasuthisa. I-apula liletha ubumnandi bemvelo begodu ligqwele i-fibre, kanti i-peanut butter yona iyengeza amafutha kanye ne-protein. 

2. AMAQANDA WOKUBILISWA  

Akukho okudlula iqanda elibilisiweko. Lona linikeza i-protein engalingana pheze i-6g. Okumnandi ngalo kukuthi likusuthisa kuze kufike isidlo esilandelako.  

3. AMA-POPCORN

Ama-popcorns ane fibre enengi, nama-calories amancani. 

Ama-popcorns arhelebha ukwehlisa i-blood pressure, ubulelwe beswigiri (type 2 diabetes) kanye nobulwelwe behliziyo.

Ufaka kancani i-Olive Oil, ununge nange-nutritional yeast nofana i-chilli powder.

KUHLE UKUDLA NGOKULINGENEKO

Akusiso isono ngokudla ukudla okuthandako ebusika. Kodwana iqiniso kukuthi nakho ukudla okunepilo kumele ukudle ngokulingeneko.