Amaphandle abuyiselwa eenarheni zabo athi akakhambi e SA unomphela

Amaphandle abuyela eenarheni zabo athi akakhambi e Mzansi unomphela.

Inengi labo lithi bafuna ukubuya ngokusemthethweni nabaqeda ukulungisa amaphepha wabo wokufudukela enarheni le. Amaphandle amanengi athi asazibona anekusasa e Sewula Afrika.

Lokhu kuvele lokha i TimesLiVE nayiqoqisana nabo ngesikhathi balungiselela ukukhwela iimbhesi ezitjhinga eenarheni zemakhabo.

Begodu bathi bazimisele ukubuya nasele amaphepha wabo alungile.

Omunye wabo, u Kwabashe Mutopo (29) obuya e Zimbabwe, uthi wafika e Sewula Afrika ngo-2022 afuna amathuba angqono.

Utjele i TimesLiVE bonyana ikhambo lakhe lathatha amalanga amathathu ngebhesi ukufika e Beitbridge border.

Lapho abakhweli bebahlika bese baphatjha ngeenyawo ngaphambi kokuthi baragele phambili ngokungena e SA ngaphandle kwamaphepha.

“Umfowethu wangitjela bonyana umnotho e Sewula Afrika uncono, so ngamlandela la,” kwatjho u Mutopo.

Uthi ngemva kweskhatjhana wathola umsebenzi e Germiston, lapho khona bekasebenza njenge zama-zama.

Ngokuya ngaye ipilo e Sewula Afrika beyingekho lula begodu bekufuneka bonyana ahlale akhipha imali yokuthenga amapholisa ukuthi bangambophi.

“Nonyaka ophelileko nakho ngabotjhwa begodu ngabhadela I R2000 ukuphuma, so ngihlala ngibeka imali ngeqadi yalokho,” kwatjho u Mutopo oveze bonyana bekaphila ngokukhipha imali iminyaka emine yoke.