“Bangabulala noma ngubani” – Imibono ka Mel nge SA irhabudla abalandeli

Imibono etjhayisanako ka-Mel no-Peet Viljoen ngenarha ye Sewula Afrika ibuye godu yavela emva kokobana u-Peet abawe ukuthunyelwa e SA ukusuka enarheni ye USA.

Iinkulumo zalaba ababili zibange ukukwata phakathi kwabantu eenkundleni zokuthintana.

Abahlali be SA bakhombe laba abibili ngomuno ngokungakhulumi iqiniso ngalokho okwenzekako enarhani le.

“Kuyasabeka kimi e Sewula Afrika, kangangokuthi akhange ngisakwazi ukulinda bonyana ngikhambe, lokhu ngeke kwaphela.

Begodu imithetho ye-BEE kanye neminye imithetho elwa nabantu bombala omhlophe, ithoma ukusebenza e Sewula Afrika.

Yenza abantu bombala onzima e Sewula Afrika bazizwe banamandla amanengi begodu bangenza lokho ebakufunako. Bangabulala noma ngubani, bangathatha noma yini ebayifunako,” kwatjho u Mel Viljoen ku Podcast eyasungulwa ngibo ngemva kokufudukela enarheni ye USA.

Lokhu kubangwe yi vidiyo esabalalisiweko, eveza laba ababili bakhuluma ngeenzathu ezenza bonyana batjhiye inarha ye Sewula Afrika baye e-USA.

Ngomhlaka 4 Mngwengweni 2026, u Peet Viljoen uvele phambi kwe ‘immigration judge’ u Vikram Badrinath ukwazi ngomphumela wesibawo sokuzithumela enarheni yekhabo.

Ngemva kokobana i Jaji itjho bonyana angeke ikwazi ukumunikeza lokho ngebanga leqala lokweba estolo, u Viljoen warabhela bonyana abuyiswe e SA.

Ngaphambilini, u-Peet Viljoen waveza ukuthi kungani angakhange athunyelwe e Sewula Afrika nanoma isibawo sakhe sele sivunyelwe.