U Cyan Boujee ubuyile eenkundleni zokuthintana

U Honour Zuma “Cyan Boujee” oyi-DJ ne Content Creator ubuyile eenkundleni zokuthintana.

Abalandeli bakhe eenkundleni zokuthintana akhange bakwazi ukuzibamba nababona ukukhanya kwakhe okumangalisako ku vidiyo yakhe esatjalaliswe khulu.

I vidiyo le evele ku X (Twitter), ngomhlaka 19 Mngwengweni 2026, iveza u Cyan Boujee avuma ingoma ka Zee Nxumalo ethi Ngithathiwe.

Lokhu kubange ama hem-hem wokobana uzithwele nanokuthi isisu sakhe siyabonakala, nanyana abanye bathi akusilo iqiniso nje.

Enyangeni yesine ka-2026, u Cyan Boujee uvele wanyamalala eenkundleni zokuthintana.

Begodu waveza ngokukhamba kweskhathi bonyana lokho kwenzeka ngebanga leenzathu zakhe eziyifihlo.

Ngaphambilini, u Cyan Boujee wabandakanyeka ne-City of Tshwane Manager u Kagiso Lerutla.

U Lerutla wagqina abotjhwa ngo Sihlabanantangana 2026 ngekohlakalo yemali eyizigidi ezinengi zama-randa.

FUNDA NALOKHU: https://ilangabinews.co.za/u-lesego-uveze-isisu-saka-bonko-ngelanga-labo-baba/

I Briefly News yaveza ngaphambilini bonyana kwavela ama hem-hem ngobudlelwano balaba ababili obubonakalako, ngemva kokobana u Cyan Boujee aqime ama-akhawuntu wakhe eenkundleni zokuthintana.

Abalandeli bakhe bafuna ukubona bonyana u Cyan Boujee ubaphatheleni nje ngemva kokubuya kwakhe eenkundleni zokuthintana.