Ukhethe ukuthula ngemva kweensolo zokutjhiya umendo

Umsunguli wamarhwebo kanye no vela ehlelweni la kumabonakude u Thobile “MaKhumalo” Mseleku ubange iinkulumo ngokuveza iinthombe zakhe.

Ngo Sondrarha, 21 Meyi 2026, Ikwekwezi ye Uthando Nes’thembu iveze iinthombe afake iinhluthu begodu atjhatjhe ne ‘makeup’ ekhasini lakhe ku Instagram.

Iinthombe ziza ngemva kwamalanga u Musa Mseleku afake iinthombe zabo bababili.

U Mseleku waqalwa ngamehlo abukhali eenkundleni zokuthintana nakuzakuvakatjhwela iinkinga zakhe no MaKhumalo ezilimaze umtjhado wabo.

U MaKhumalo uzithola anabalandeli abanengi khulu abamesekako njengoba aqalana nomndeni wakhe kanye neenkinga zakhe zomtjhado ngemva kokuphela kwehlelo labo.

Abalandeli baphendule eenthombeni zakhe ngokubabaza ukukhanya kwakhe bathi ubonakala ajabulile begodu anokuthula ehlizweni.

Abanye bathande bonyana uzibeka phambili bathi ukukhanya kwakhe kuyamfanela.

Kodwana lokho kuphele msinya kwavela iinkulumo ezinengi njengoba abantu abanamelo abukhali baphose amehlo esandleni sakhe sesincele esidududu.

FUNDA NALOKHU: https://ilangabinews.co.za/makhumalo-usolwa-ngokubabayo-ngomakhwela-engxoxweni-yeradio/

Ama ‘comments’ agqwala ngemibuzo yesimo somtjhado wakhe.Abanye basolela bonyana utjhiye umendo wakhe, abanye bamphikela bonyana lokho akutjho bonyana umendo wabo utjhabalele.

Nanyana kunjalo, u MaKhumalo usatlole bonyana mfazi owendileko, ekhasini lakhe le Instagram.

U MaKhumalo ukhethe ukuthula phakathi kwe hlangahlangano yemibono yabalandeli bakhe ngomendo wakhe no Musa Mseleku.