I-Uzalo ibuyisela uLondeka Sishi ekhaya, yamsondeza nomntwana wakhe

Umlingisi uLondeka Sishi uragela phambili nokukhanyisa embonini yezokuzithabisa eSewula Afrika.

Ababukeli bamazi khulu ngeNdima kaNkanyezi ku-‘Adulting’, wabuya wavela ku-‘Scandal’ kanye nefilimu yeNetflix ye ‘Umjolo: There Is No Cure’.

Ngonyaka ka-2025, wathumba i-SAFTA ye-Best Actress in a TV Soap ngendima kaBusisiwe ku-Scandal, okwamqinisa njengomlingisi onamandla.

Ukungena kwakhe ku-‘Uzalo’ njengoLungsta, umqondisi weqhinga lesqhema sama-biker i-Amantaliyane, kulethe ukutjhuguluka okukhulu eKwaMashu, asebenza no-Abdul Khoza odlala uMa‑Ten‑Ten.

FUNDA NALOKHU: https://ilangabinews.co.za/uabdul-khoza-nolondeka-sishi-bangena-emdlalweni-we-uzalo-ku-sabc1/

ULondeka Sishi uthi i-Uzalo yindawo eqinile embonini, begodu indima etja le imenze wathaba khulu.

Njengombana atjho, “She is so bad, but in the most beautiful way.”

Ngaphandle kokukhula komsebenzi, uLondeka uveza nobuhlungu nobuhle bomsebenzi wokulingisa.

ULondeka Sishi uthi imboni ifuna ukuhlakanipha, nokuzivikela ukuze umuntu angalahleki.

Umgomo wakhe uqiniswa bantwana bakhe, begodu ukhetha iindima ezinendatjana efundisako, hayi ukusebenza nje kuphela.

Ukudumuza eThekwini kumlethele isipho somndeni. Uthi, “God answers prayers in the most beautiful way.” Wangezelela wathi, “For me, this was an answered prayer.”

Lokhu kumsondeze khulu nomntwana wakhe womntazana, begodu “I basically stay with her now.”

Uhlangana naye okungenani amalanga amahlanu ngeveke.

Njengomma, ufunda ukunikela isikhathi ezintweni eziqakathekileko. Uthi, “I’m learning to be okay with empty spaces.”

Umntwana wakhe womntazana umfundise ukubona imininingwana emincani ekuphileni nakubalingisi.

Phambili, uLondeka ufuna ukungena khudlwana ekukhiqizeni, ekutloleni, nekuqophiseni imisebenzi yakhe.