Umndeni kaSebogodi uthi ipi yokungcwatjwa kwakhe ingaya ekhotho

Umngcwabo womlingisi odumileko uSeputla Sebogodi udlule ngepi emndenini.

Lokhu kuza ngemva kokobana uMary Kau atjho bonyana indaba le ingafika ekhotho, ngombana umndeni akhange unikezwe ilungelo lokukhetha lapho umlingisi abekwa khona.

Emcociswaneni wakhe nabeendaba ngoLosihlanu, 25 Velabahlinze 2026, uKau uthe uyayeseka imibono yokuya ekhotho ukuze isdumbu somnakwabo siyembululwe siyokungcwatjwa eGa-Mothapo, ekhaya labo.

UKau ubuye waqinisekisa bonyana akhange abone umzimba kaSebogodi kusukela ngelanga adlula ngalo ephasini ngomhlaka 15 Velabahlinze.

Ngaphambilini, uKau warhatjheka eenkudleni zokuthintana emva kokuvela kwevidiyo lapho athuka umfazi kaSebogodi ongaziwako emngcwabeni.

Umndeni wakwaSebogodi bewunethemba bonyana umlingisi lo uzokubekwa eMakgopeng Cemetery.

Kodwana umfazi kaSebogodi weenyanga ezisithandathu (6), uMachuene Rosina Semenya, kuthiwa waphikelela ukuthi angcwatjwe eSilicon Cemetery.

FUNDA NALOKHU: https://ilangabinews.co.za/ilanga-lokubeka-useputla-sebogodi-endaweni-yokuphumula-liveziwe/

Ekugcineni umbono wakhe waphumelela.UKau wakhombisa ubuhlungu bakhe ngesiqunto esenziweko, watjela beendaba wathi: “Nabangcwaba ubhuti wami eSilicon Cemetery, uyokuba nobani lapho ngoba abazali bakhe bangcwatjwe la eGa-Mothapo.”

Emazindleni, uKau wajama wafunda iinthakazelo, ngemva kwalokho wenza isitatimende esiqaliswe kumka mfowabo wathi: “Akusithi esikulethe lapha; bekungumfazi wakho okulethe la”.