Intombi kaSiya Kolisi ikhuluma ngomtjhado nabentwana eSewula Afrikha

Intombi kaSiya Kolisi, u-Rachel John, ukhulume ngezinto ezimayelana nomtjhado nokuba nabantwana eSewula Afrikha.

URachel John obuya e-Holland kuthiwa wathoma ukuthandana nomqeqetjhi we-Springbok ngonyaka odlulileko begodu mncani ngeminyaka ema-10 kuno Siya Kolisi.

Usaziwako eenkundleni zokuthintana, uRachel, wabelane ngevidiyo kuTikTok lapho avela ekhayeni labantwana abanganabo ababelethi e-Jeffrey’s Bay, eSewula Afrikha. 

Kukulapho ahlala khona. Ividiyo ye beyiveza azilungisa kanye nabentazana abanengi lapho ahlala khona.

U-Rachel uveze bonyana sekuseduze ukuthi kuphele i-visa yakhe yamalanga ama-90 begodu kufanele bonyana abuyele e-Netherlands.

FUNDA NALOKHU: https://ilangabinews.co.za/forever-like-you-promised-umlayezo-wentombi-kajayden-adams-ngemva-kweensolo-zokuqabana/

Kuleyo vidiyo wathi: “Ngifuna ukufudukela e-Sewula Afrikha,” bese omunye wabentazana waphendula wathi: “Iye, ngifuna ukuza emtjhadweni wethu.”

Omunye wamthiya ngokuthi “mama Rachel,” waphendula naye uRachel kilokho ngokuthi: “Ngelinye ilanga, ngiyoba ngumama.”

U-Rachel John wazalwa ngunina obuya e-Holland noyise obuya enarheni ye-Nigeria.

NgoSihlabantangana (April), uRachel oneminyaka ema-25 wafika e-Sewula Afrikha, watjho nokuthi uphuke ihliziyo ngokukhamba iinyanga ezimbili ngaphambi kokufika isikhathi.

Kulapho-ke athole isikhathi noSiya e-KwaZulu-Natal, ngaphambi kokobana uSiya aye e-Cape Town ukuyokudlalela isiqhema se-Stormers.

U-Rachel noSiya babonakala bangasabeki ubudlelwano babo emehlweni wabantu.