UConnie Ferguson ukhuluma ngokuthi wahlangana njani noShona

UConnie Ferguson uveze bonyana wahlangana njani nendoda yakhe esele ihlongakele uShona Ferguson.

Waveza nokuphatheka kumbi ngokulahlekelwa nguye emcociswaneni wakhe noThando Thabethe emrhatjhweni we-947. 

Umlingisi lo ubuye wahlathulula bonyana kungani asathanda ukukhuluma ngaye ngitjho nanamhlanje emva kweminyaka eminengi adlula ephasini.

UFerguson uveze bonyana wahlangana nomlingani wakhe ngonyaka ka-2001. 

Bahlangana ekhayeni likaConnie Ferguson kodwana uShona Ferguson bekangekho lapho ukuzomuvakatjhela.

Kunalokho, bekalethe abantu abaziko emzini wakhe.

“Bekazokuletha abantu kwami. Bekangangazi nami bengingamazi. Bekangamazi nodadwethu kodwana bekazi abangani bakadadwethu. 

Labo babantu ebegade abalethe kwami. Bengingekumbeni lami lokulala nangizwa iphimbo lomuntu wembaji ngekumbeni lokudlela.”

UConnie Ferguson uthi uvele wazibuza ngalokhu ngombana bekunganamadoda ngendlini.

FUNDA NALOKHU: https://ilangabinews.co.za/usibonile-ngubane-usaqalene-nezepolitiki-kodwana-uthu-uyabuya-ku-tv/

Uthi nakasondelako, wabona umuntu wembaji ombethe isudu obegade aqale ngahlanye. Wathi ngemva kwemizuzwana uShona wajika wazazisa.

UConnie wamangazwa kukuthi uShona ukhuluma isiTswana esitsengileko. Bekangakalindeli ukumuzwa akhuluma ilimi lakhe kuhle kangaka.

Ngelanga elilandelako, baphuma bayokudla nabangani babo bangayizolo.

Ubudlelwabo bakhamba msinya, ngoba ngoSewula 2001, uShona wakhipha amalobolo, bese ngomhlaka 30 Sinyikhaba 2001 batjhada. 

Bobabili basungula i-Ferguson Films. Ikhampani yabo ephumulele ngokukhiqiza imidlalo ye-TV efana ne-Rockville, The Queen kanye ne Kings of Jo’Burg.