Izembatho ze Ackermans zihlukanisa abalandeli

Ngo Sondrarha, uMpumelelo Mseleku kanye no Vuyokazi Nciweni babuye bahlangana esfundeni se-Western Cape, e-Cape Town.

Ukuhlangana kwabo kwakungasi ngekokulungisa izinto, kodwana ukugindinga ilanga lamabeletho ka Mhlophekazi.

U Mpumelelo, onabentwana ababili no Vuyokazi Nciweni bamutshwaye iphoso eenkundleni zokuthintana.

Ibangelo la lokho zizipho azithengele umntwana wakhe obekenza iminyaka emithandathu.

Abanye abantu bamujamele ngokuthi ukuba khona kwakhe nemizamo yakhe ibaluleke ukudlula inani lezipho zakhe. Omunye wabantu ubeke umbono wakhe ku X (Twitter).

Uveze ukungazwisisani nokuthi abanye abantu bakhulumela imizamo ka Mpumelelo kumbi. Ukhulume wathi lokhu kuyayiwisa imiyoya ya bo baba.

Nangaphandle kwalokho, ubuye wathi lokhu kungenza bonyana abo baba bangafuni ukuzibandakanya eempilweni zabantwana babo.

Ama vidiyo kanye neenthombe zelanga lamabeletho ka Mhlophekazi zivele eenkundleni zokuthintana.

FUNDA NALOKHU: https://ilangabinews.co.za/u-sbindi-mseleku-uvale-imilomo-ngokuseka-umhlophekazi-ngelanga-lakhe/

Lokhu ngikho ekubangele bona abantu baveze imibono ekhuthazako kanye neminye imibono engasi mihle.

U Vuyokazi watjhiya phasi ubudlelwano bakhe no Mpumelelo.Unobangela walokho kwaba kungathembeki kuka Mpumelelo.

Waveza uVuyokazi bonyana ubudlelwano bakhe no Mpumelelo bebungasese buhle.

Ngikho lokho okwabangela bona abalandeli behlelo le Uthando Nesthembu bajame no Vuyokazi begodu bamusekela.

Lokho kwamrhelebha ekhambeni lakhe lokuqhubeka ngepilo nokuzijamela.