UAthie Cwele uphuma kumdlalo we-Generations: The Legacy
Umlingisi uAthie Cwele uzokuvela kokugcina ku-Generations: The Legacy ngenyanga ezako ngemva kwapheze iminyaka emibili.
UCwele wangena kumdlalo we-SABC1 lo ekuthomeni kwe-season 32 ngonyaka ka-2025, adlala indima kaKamogelo Moroka.
UCwele wathi ngesikhathi nakazakungena emdlalweni lo watjho bonyana uthokoza ithuba anikezwa lona.
“Akekho amezwi wokuhlathulula ukuthi kuzwakala kunjani ukuba semdlalweni omkhulu njenge-Generations. Yisibusiso kimi, begodu ngithokoza ithuba leli.”
Isiqephu sakhe sokugcina sihlelelwe ukurhatjhwa ngomhlaka 6 Rhoboyi 2026.
FUNDA NALOKHU: https://ilangabinews.co.za/ulucy-wamukela-iqiniso-ngobulwelwe-bekankere-kodwana-uthini-ug-wagon/
Ukuphuma kwakhe emdlalweni we-Generations: The Legacy kuza ngemva kokuthi umdlalo uzilungiselele ukungena esikhathini esitjha sango 20:30 PM.
Ekuthomeni kwenyanga kaVelabahlinze, i-SABC yamemezela ukuthi i-Generations: The Legacy kanye ne-Uzalo zizokutjhentjhisana iinkhathi zokungena kusukela ngomhlaka 27 Velabahlinze.
Ihloko yeSABC1, u-Ofentse Thinane wathi imidlalo emibili le izokuragela phambili ngokuba ibe midlalo ebalulekileko yetjhaneli le.
