Kunethemba phakathi kwe-King of Lifestyle uLesiba noMatsheliso ku-MAFS Mzansi

Abalandeli be-Married at First Sight Mzansi banikezwe isizathu sokumamatheka.

Lokhu kuvela ngemva kokobana uLesiba Tleane abelane ngevidiyo ekhasini lakhe le-Instagram abonisa yena nomfazi wakhe uMatsheliso Maphutse baphumulile begodu bathabele ukuba boke.

Ividiyo efitjhazana, evezwe ngomhlaka 10 Rhoboyi 2026, ibonise ihlangothi labo ebelingakalindeleki.

Ikhambo labo ehlelweni akhange libe lula nakancani. Ukungazwani phakathi kwabo kumayelana noLesiba azibiza ngokuthi “yi-King of Lifestyle.”

Lokhu ngikho okwenza uMatsheliso azizwe ngathi kuvimbela uLesiba ukwamukela indlela yokuphila phakathi komtjhado.

Indaba yakhe yokukhamba emasuku lapho uMatsheliso ahlezi ngendlini alindile, kube sitjhijilo esikhulu ebudlelwaneni babo.

Enye yezinto eziveze lokhu kube mlayezo okhamba nevidiyo le othi, ” Siye ekhaya skhathi bani?”.

Abochwephetjhe bobudlelwano ehlelweni leli akhange bazibambe ngemva kokuhlola indlela uLesiba noMatsheliso ebebaphilisana ngayo. 

Kwabonakala kuhle bonyana khuyini okufanele kutjhuguluke ebudlelwaneni babo.

“U Lesiba uvame ukususa icala, okutjhiya uMatsheliso azizwa ngathi [uLesiba akanakho ukuzimisela] begodu usemtjhadweni ngoba ufuna ukuzithabisa. 

Kufanele alise isithombe sakhe se ”King of Lifestyle” azijwayeze ngamaqiniso wepilo yomtjhado.”

Nokho, ngaphambilini, uLesiba wamangaza uMatsheliso ngamabhlomu nezipho, okuyisenzo esanikeza abalandeli ithemba.