U Kharishma uyalulama emveni kwengozi emasikizi yekoloyi

Umndeni womvumi we Lekompo wabelane ngelwazi ngobujamo bezepilo baka Kharishma njengoba alulama emveni kwengozi emasikizi yekoloyi.

U Melita Mogale odume ngelaka Kharishma emkhakheni womvumo we-Lekompo, wabandakanyeka engozini emasikizi yekoloyi.

Ingozi emasikizi le yenzeka ngo Losihlanu, ngomhlaka 31 October 2025, lapho kuhlangana indlela ye Grobler kanye ne Magazyn Streets, e Polokwane.

Ingozi yekoloyi yathatha ipilo yomtjhayeli ka Kharishma, uVincent Maphopha (24), kanye no begade anabo ngekoloyini , u Juddy Mabula (26), owadlula ephasini emva kweemveke ezimbili.

Ngaphambilini, umndeni ka Kharishma waphendula isitatimende esithi u Kharishma angekhe amukele ama-bookings ngesikhathi sama-festivu.

Esitatimendeni esikhitjhwe ngo Losibili ngomhlaka 23 June 2026, umndeni ka Kharishma uqinisekise abalandeli bonyana uyalulama.

U Nthekgeng Kgatla ukhulume nabantu beendaba njengomkhulumeli womndeni, wathi udadwabo uthola ukunakekelwa kwezokwelapha okusezingeni eliphezulu.

FUNDA NALOKHU: https://ilangabinews.co.za/isdumbu-somvumi-we-barcadi-sitholakala-ngaphakathi-kwe-dustbin/

“UKharishma usesigabeni esiphambili sokululama.

Walimala kabhlungu kodwana uragela phambili nokuthola ukunakekelwa kwezepilo okungqono khulu nokusekwa ukuze alulame abe ngqono,” kwatjho umfowabo u Kgatla.