Pheze ngafa!: uLamiez ukhuluma ngokugijinyiselwa esibhedlela

UDJ Lamiez Holworthy-Morule oneminyaka ema-34 uthi upheze wafa ngemva kokuthi agijinyiselwe esibhedlela ngoSondo.

Umrhatjhi we-Metro FM uthi ulobe igazi elinengi begodu abodorhodere bebaqale ukumfakela igazi.

ULamiez uthokoze abalandeli bakhe ngemithandazo yabo. 

Wathi amalanga ambalwa adlulileko bekuthusa khulu begodu kubuhlungu  ngendlela engahlathululekiko.

Wathi bekasele ngemizuzu embalwa ukuthi afike ku-gig yakhe elandelako, nakazakugijinyiselwa esibhedlela. 

ULamiez bekaselele ma-gig asithandathu ebegade kuhlelwe bonyana usazakuvela kiwo.

Uthi isehlakalo lesi simfundise ukulalela umzimba wakhe.

“Ngingumuntu, ingasi i-robot,” kwatjho uLamiez.

Nje, uLamiez ubuyile ekhaya begodu uthatha isikhathi sokuphumula ukwenzela bonyana alulame begodu anikeze nomndeni wakhe isikhathi.

Ukutshwenyeka ngezepilo kuza ngemva kwamalanga ambalwa abaphathi bakhe baqinisekise bonyana uyokuhlinzwa ngokurhabako. 

Begodu bekufanele bonyana ajamise ama-gig wakhe ebegade ahlelelwe ilanga langoMgqibelo, ngomhlaka 9 Rhoboyi nangoMvulo, 10 Rhoboyi.