I SABC iphelisa i-Pimville ngo kungavumelani ngemali

I-South African Broadcasting Corporation (SABC) ikhiphe isitatimende mayelana ne-drama eqhubekako yePimville.

Njengoba ikusasa le-telenovela ye-SABC 2 linganaso isiqiniseko, i-SABC iveze bonyana ihlele ukuvala amatjhuba akhona.

Abalandeli behlelo i Pimville baveze imibono yabo eenkundleni zokuthintana solokho kwaphuma iindaba. 

Abanye bakhiphe amazwi abudisi ku-SABC nakuyo ikampani le.

Njengoba ihlanga-hlangano yomdlalo wakumabonakude i-Pimvile iqhubeka, i-SABC ikhiphe istatimende ngo Mvulo, ngomhlaka 25 Meyi 2026 iphendula ngendaba engakabi nesisombululo.

Esitatimendeni esabelwe i-Briefly News, I SABC iveze bona i-Pimville ngeke isavela ku SABC 2 kusukela ngomhlaka 25 Meyi 2026.

Ibangelo yalokho kungavumelani ngemali okusaqhubekako kukunje. 

Lokhu kwenze bonyana amalunga amanengi kanye nabalingisi bomdlalo we Pimville bangazi bonyana kwenzakalani.

I SABC iveze bonyana ngemva kokubuyekezwa okupheleleko nokuqabangisisa, umdlalo we Pimville uyaliswa ukusukela ebusukwini bayizolo.

Istatimende sibuye saveza bonyana umphumela lo ubuhlungu khulu khulu nabaqala ukuzinikela nokusebenza ngokuzikhandla kwabalingisi kanye neqembu labasebenzi.

Begodu nokusekwa okungatjhuguluki okutholakele kubabukeli, ababambisene nabo nabo boke abathintekako abarhelebhe ngokuphumelelisa ihlelo.