U Enhle Mbali uphika ukuthi yi-Millionaire

U Enhle Mbali ungene ku-Instagram Live wakhuluma ngepilo yakhe begodu nalapho akhona nje epilweni.

Abalandeli bakhe bebazibuza bonyana ujame kuphi no Black Coffee obegade ayindoda yakhe.

Okhunye godu ebazibuze ngakho kukobana u Black Coffee khewamfakela na imali yesondlo ngaphambili. U Enhle Mbali uveze kancazana bonyana ayikho imali ayithole ku Black Coffee.

Ngemva kokuphetha indaba yabo yesehlukaniso, ikhotho yenza isiqunto esijamela u Enhle Mbali.

Ngaphambidlana kwalokho, ikhotho yaphetha ngokuthi u Enhle Mbali no Black Coffee batjhade ‘in community of property’ ngoba kwakhitjhwa ilobolo.

Ku-Instagram Live yakhe u Enhle ulandule indaba yokobana uyi-Millionaire wathi i-bank akhange imazise ngento enjalo.

“Ukugqina kwami ukuthatha idodi bekukulokha ngisatjhadile. Ngenza isinqumo sokungathathi idodi godu,” kwatjho u Enhle Mbali.