USydney Seethal uveze isehlakalo sokukhuthuzwa esamuqabangisa ngokuphepha

USydney Seethal, owaziwa njenge-content creator begodu nongudadwabo  kaTyla owathumba iGrammy, uvule isifuba ngesehlakalo esimbi esamfikela asesemncani eSewula Afrikha.

Endabeni ayikhulume ngesikhathi se-livestream ekhasini lakhe, uthe leso sehlakalo asikaphumi emkhumbulweni begodu sisamthinta naziza endabeni yokuphepha.

USydney uthe ngelinye ilanga bekabuya esitolo esiseduze, aphethe i-six-pack yeCoke, kwafika indoda yazama ukumthathela umalil’edinini.

Uthe indoda leyo yalwisana naye ngomzimba, yamtjhinga yamuwisa phasi endleleni.

Wabuye wathi wabona ikoloyi ebegade iseduze ilinde indoda leyo, okumenze wakholwa bona ukukhuthuzwa lokho kungenzeka kungenzeka kunanoma ngubani.

Nanyana ahlaselwe, akhenge ayekele umalil’edinini wakhe, kodwana walwisana nesela.

Uveze bonyana isela leli belingaba neminyaka ema-24 no-25, yena aneminyaka eli-18 kwaphela.

USydney uvumile bona nakabuyela emuva acabange, ukubuyisa kungaba kubeke ipilo yakhe engozini, khulukhulu ngombana bekungaba kumbi khulu nangabe isela leli beliphethe isgidi.  

Indaba le ivele ngesikhathi akhuluma ngokuphila phakathi kweSewula Afrikha ne-United States.

Uthe izehlakalo ezifana nalesi zimenze wabeka phambili ukuphepha akuthola e-US.

Lokhu kuvuse ikulumo phakathi kwabalandeli ngecala lobulelesi eSewula Afrikha nangomehluko wepilo yabantu abahlala ngaphetjheya.

Abantu eenkundleni zokuthintana baphendula msinya: abanye bamncoma ngokuzivikela, abanye bamqaphelisa bona ngesikhathi sokukhuthuzwa ipilo iqakatheke ukudlula ipahla.

Ngokwe-Post, uSydney sele azakhele igama lakhe ku-digital content egcile ku-lifestyle, travel nepilo yelanga nelanga, begodu kwesinye isikhathi uvela noTyla emsebenzini wakhe weenarha zoke.