U Mel ubuyile e SA, u Peet usavalelwe ejele e USA
Obegade amlingisi we Diepe Waters u Melany “Mel” Viljoen ubuyile enarheni ye Sewula Afrika.
Ikwekwezi le yaku mabonakude ukhitjhwe ejele ye narheni ye United States of America, ngemva kokobana yena nendoda yakhe babanjwe beba estolo.
Ngo Losine, ngomhlaka 28 Meyi 2026, abantu eenkundleni zokuthintana baveze amazizo wabo ngokubuya kwaka Mel Viljoel enarheni le.
Kuvele bonyana u Melany ubuye enarheni le ngaphandle kwe ndoda yakhe, u Peet Viljoen.
U Mrs Viljoen ukhulumile evekeni le bonyana usakhuluma no baba wakwakhe osavalelwe e jele.
I Netwerk24 iveze ngo Losithathu, 27 Meyi 2026, bonyana u Mrs Viljoen ubuye eSewula Afrika ngo Losibili, 26 Meyi 2026 ngaphandle kwesaziso.Ngokuya nge Netwerk24, u Melany Viljoen ufike enarheni le nge sidu ngo Losibili ekseni.
U Mrs Viljoen ukhulume ne Netwerk24 watjho bonyana uthule ngabomu ngokubuya kwakhe enarheni ye United States of America.
FUNDA NALOKHU: https://ilangabinews.co.za/oscar-mbo-nomndeni-wakhe-bathokozisa-ngekhaya-elitsha/
U Melany “Mel” Viljoen waziwa babantu abanengi ngehlelo ebegade avela kilo ku Showmax i The Real Housewives of Pretoria.
Abasebenzisa iinkundla zokuthintana bakhuluma ngokubuya kuka Melany “Mel” Viljoen.
“U Mel no Peet bakoloda abahlali be Sewula Afrika ixolo ngebandlululo ngokombala abalirhatjha e USA nge narha ye SA. Bakolota nemali kubo ngazimbi babo,” kwatjho u @steve_nuance.
