u ‘Sbindi’ Mseleku uvale imilomo ngokuseka uMhlophekazi

U Mpumelelo Mseleku owaziwa khulu ngelaka ‘Sbindi’ ubonakale eenkundleni zokuthintana ngomgqibelo.

U ‘Sbindi’ Mseleku uvale imilomo ngemva kokubonakala ayokuseka umntwana wakhe no Vuyokazi Nciweni ngelanga lakhe lokubelethwa. Umntwana wabo, uMhlophekazi Nciweni, uhlanganise iminyaka emithandathu.

Ekupheleni kwelanga, lokhu kubonise ukuthi kubalulekile bonyana umndeni ubambane. Ingasi lokho kuphela, kodwana nokubaluleka kokubambisana kwababelethi eempilweni zabentwana babo nanyana bungasekho ubudlelwano.

U Mseleku uvela eenkundleni zokuthintana nje, uphethe izembatho ezinengi zabantwana bakhe ababili anabo no Vuyokazi Nciweni.

Umntwana wabo, uMhlophekazi, uhlala no nina esfundeni se Western Cape, e Cape Town.

Obegade aqatjhelwe ukuhlobisa, uSinazo Hlathi we MaBillions Deco Company uthe akukho okujabulisa ukudlula ukugidinga ilanga lokubelethwa endaweni etja enihlalakiyo.

Lokho kutjengise abalandeli baka Vuyokazi Nciweni bonyana usebenze khulu begodu wafunda ukuzijamela kanye nabentwana bakhe.

UMhlophekazi uvumile bonyana ujabulele ukubona woke amalunga wakhe womndeni aphelele.

Wabuya godu wathi uthanda ukuthokoza ubabakhe ngokuba khona kwakhe angakalindeli ngelanga lakhe lamabeletho.

Abalandeli baka ‘Sbindi’ Mseleku kanye no Vuyokazi Nciweni bazwakalise amazizo wabo ngesenzo esihle saka ‘Sbindi’ ngokusekela umntwana wakhe ngelanga lakhe lamabeletho.

“Mpumelelo, ngiyathemba bonyana uzokuqhubeka nokuthanda abentwana bakho”, kwatjho omunye wabalandeli bakhe.