Halala: USindi Dlathu ungena kumdlalo we-Netlix omutjha!

USindi Dlathu obegade amlingisi ku-The River kanye ne-Muvhango uthole indima kumdlalo omutjha we-Netflix, i-Umthetho.

UDlathu uqeda ukuthola indima kumdlalo omusha we-Tshedza Pictures obizwa ngokuthi yi-The Four of Us, ongene eskhundleni se Scandal!

Umlingisi othandwa babantu khulu uvuse ipikiswano eenkundleni zokuthintana ngemva kokuhlathulula bonyana kungani angabeki ipilo yakhe emehlweni wabantu.

Umkhulumeli weendaba zakumabonwakude uJabulani MacDonald uqinisekise indima etja yomlingisi ekhasini lakhe le-X ngoLosibili, ngomhlaka 7 Velabahlinze 2026.

“Kokuthoma qala indima etja kaSindi Dlathu ku-‘Black Brain Pictures’ eneencephu ezibunane, i-Umthetho. Umdlalo lo uthathelwe kumdlalo waku-Netlix, i-Brotherhood.

Umthetho ulandela uMbali (Nqobile Nunu Khumalo), igcwetha lokutjhutjhisa elikateleleke bonyana lisebenzisane nomfowabo, ongumholi wesqhema esihlekekileko seengebengu ejele, ukuvikela umfowabo omncani. 

Umthetho uzokuvezwa ngomhlaka 14 Rhoboyi 2026, ku-Netflix kuphela,” kwatjho uMacDonald.

Kumdlalo ozako lo, umlingisi uDlathu owuzokudlala indima yonogada wejele.

“Ngathi ziyakhipha lana. Sizokubona khona. Ngithemba ukuthi zincephu ze-iri loke nangabe ziincetjhana ezi-8 okungasenani,” kwatlola u @RealYenaLoyo ku-X (Twitter).