Ubawa ukusekwa ngezemmali uNothando Mabuza-Chiume

Umlingisi uNothando Mabuza-Chiume oneminyaka ema-31, ubawa ukusekwa ngezemmali ebantwini beSewula Afrikha.

Umlingisi lo ungumntwana womlingisi owaziwa khulu nosele adlulile ephasini uConnie Chiume. 

UConnie, wathandwa ngeendima zakhe ku Black Panther, Black Is King, Gomora kanye ne Rhythm City. 

Kanti-ke, wadlula ephasini ngomhlaka 6 Rhoboyi 2024 ngemva kokugula.

UNothando, owaziwa ngeendima zakhe ku-Housemaids kanye ne-The Queen, uthe ufuna ukuphuma enarheni le ayokufunda ngaphetjheya, njengoba alwa nobuhlungu bokutjhiywa ngunina kanye nokugandeleka ngokomkhumbulo.

Wamukelwe e-Los Angeles Performing Arts Conservatory, kuhlelo elilindeleke bonyana lithome ngoSewula (October) 2026.

Umlingisi lo uthi udinga okungasenani i-R150 000 ukubhadela iindleko zehlelo kanye nezinye iindleko eziphathelene nehlelo leli.

Nje, uNothando ukwazile ukuhlanganisa imali engaphezu kwe-R60 000 nge-“Road to Los Angeles” okulihlelo lakhe lokuhlanganisa imali.

UNothando uveze bonyana ukulahlekelwa ngunina kumtjhiye azizwa alahlekile begodu anomuzwangedwa.

Nanoma kunjalo, ukholelwa bonyana ukufunda enarheni ye-USA kuzokusiza ekupholeni kwakhe emoyeni.

Bese ngakwelinye ihlangothi afezekise ibhudango lakhe lokubamlingisi ovela nemidlalweni yangaphethetjheya.