UAmahle noMpumelelo baveza iqiniso ngomntwana
Isizini yesine ye-reality show ethandwa khulu, i-Izingane Zes’thembu, ivule ngesigameko esivuse iinkulumo ezinengi.
UAmahle “MaBiyela” Biyela uqinisekise bonyana umntwanakhe noMpumelelo Mseleku sele abelethiwe.
Lokhu kuqeda amahem-hem abegade aragela phambili isikhathi eside emphakathini neenkundleni zokuthintana.
Ngonyaka ka-2025, uAmahle wangena ekhasini lakhe le-TikTok alinga ukuhlathulula amahem-hem wokuzithwala.
FUNDA NALOKHU: https://ilangabinews.co.za/untando-rambani-uvulela-omama-inhliziyo-ngencwadi-yakhe-yokuthoma/
Wafika lapho aphakamisa ijerisi lakhe ukukhombisa amathumbu, afuna ukubonisa abalandeli bonyana akakazithwali.
Nanyana kunjalo, iinkulumo khange ziphele, begodu ekuthomeni konyaka lo, kwavela iinthombe zakaMpumelelo esibhedlela se-Addington, okwandisa iinkulimo zabantu.
Ekugcineni, isiqephu sokuvula silethe iqiniso.
UAmahle wathi: “I was pregnant last year and Mpumelelo and I weren’t getting along. I disliked him deeply, but he remained patient with me until the baby was born.”
UMpumelelo naye, esigabeni sedayari, waqinisekisa bona uAmahle uthenge umntwana womsana.
Lokhu kwenza umntwana lo abe ngewesine kuMpumelelo.
Ngokwehlathululo yemindeni, uMpumelelo unabantwana ababili noVuyokazi Nciweni, begodu unomunye noTirelo Kale.
Esiqetjhaneni esifanako, uTirelo ubuze ngokuthembeka komendo nekusasa labo.
UMpumelelo waphendula wathi: “My reason for getting married is to rebuild my family. Secondly, I’ve been with Tirelo for a very long time, and I don’t want her to think I’m marrying her just because we have Singabakho [umntwana wabo]. It’s better to stand by my words and show that I truly love her,”
UTirelo waveza ukungazithembi ngokuhlala kuhle nokuzinza, wathi: “I would be uncertain and have a lot of questions, like, ‘Where am I going to go?’ I wouldn’t feel secure or have any stability.
“I’m not sure whether it’s the right decision or not to marry him.”
Ihlelo le-Izingane Zes’thembu lidlala ngoLosithathu nangoLosine ngo-20:00 ku-Mzansi Magic, begodu liragela phambili ngokubizwa ngokuthi yi-‘realnovela’.
Umthombo: https://babyyumyum.com/amahle-biyela-and-mpumelelo-mseleku-confirm-babys-birth-and-gender-on-izingane-zesthembu/
