Ubuya kuTV ngendima ka “Mzi” emdlalweni we Critical But Stable

U Lawrence Maleka obegade alingisa emdlalweni we The River ubuya kumabonakude.

Umlingisi onobuntu lo, ubuya njengomlingisi kumdlalo omutjha onamandla we Critical But Stable.

U Maleka uzokudlala indima ka “Mzi” emdlalwelo lo ohlelwe bonyana uthome ngo Sonto, ngomhlaka 26 Velabahlinze 2026, ngo 8 PM ku Mzansi Magic.

I Critical But Stable sele idumile ngaphambi kokobana ithome. I Critical But Stable isukela encwadini edumileko etlolwe ngumtloli u Angela Makholwa.

Begodu ilandela ipilo ka “Duke” ongusomarhwebo osogolako, olingiswa ngu Fortune Thobejane.

Ukulinga ukusindisa umfazi ka wakhe ogulako, kanye nerhwebo lakhe eliwako, u Duke, ukhetha ukukhohlisa abangani bakhe abaseduze ukuthi bahlanganyele ekwenzeni ikohlakazo eyingozi ye-insurance (insurance scam).

U Maleka ongu “Mzi” emdlalweni lo ngumngani ka Duke oneenkinga zakhe naye.

U Mzi ufuna imali yokubhadelela iimfundo zomntwanakhe e Univesithi, begodu unefihlo yokobana akwakwazi ukujabulisa umfazi wakhe naziza kwezomseme.

U Maleka, utjele i Daily Sun ngesinqunto sakhe sokungena emdlalweni we Critical But Stable.

Ngaphandle kokobana indima le ihluke khulu kuneendima akhe azilingisa, uhlathulule bonyana abalingisi abanengi nabahlukahlukeneko ngiyo into emenze bona angenelele umdlalo lo.

Abalingisi ababaliweko kubalwa-hlangana umlingisi we-Pimville u Mapaseka Koetle, u Motsoaledi Setumo, Fortune Thobejane kanye nabanye.