UDJ Chymamusique uvele waphehla ipi ngemibono yakhe
Abantu eenkundleni zokuthintana baphendulana noDJ Chymamusique nakathi ukungabi nemali kusencondweni.
Abanye bamsolela ngokukhohlwa ngeentjhijilo zakhe ngaphambilini.
UDJ Chymamusique uvuse ipikiswano ekulu eenkundleni zokuthintana ngemva kokwabelana ngemibono yakhe ngemali nobunzima bezemmali.
Kuvidiyo ayenzileko, uDJ Chymamusique oneminyaka ema-36 (uCollen Mmotla ibizo lakhe lamambala), uhlathulule bonyana ukungabi nemali akusimayelana nenani lemali onalo kubhanga yakho.
Kodwana kuyindaba yokuthi uqabanga njani begodu uyisebenzisa njani imali yakho.
UChymamusique uragele phambi wahlathulula ukuthi ukuba nemali akuqinisekisi ukuthi umuntu ukhululekile ngezemmali nangabe akakwazi ukuyisebenzisa ngobuhlakani.
“Ukuba nemali kodwana ungakwazi ukuyisebenzisa ngobuhlakani, kutjhukuthi utjhayile,” kwatjho i-DJ Chymamusique.
Wakhuthaza abantu ukuthi batjhugulule indlela abaqala ngayo imali, ngombana imali kumele yenze ipilo yakho ibelula.”
Amezwi wakhe akhange ahlale abantu eenkundleni zokuthintana kuhle, kulabo ababona ukuthi akanazwelo kubantu abaneenkinga zemali.
Abanye bamkhumbuza ngemibiko yokuthi ngaphambilini, bekaneentjhijilo ezifanako begodu wagqina athengisa izinto zakhe zobu-DJ ukuze aphile.
Godu abanye bakhuluma ngesikhathi uDJ Chymamusique abawa ukulekelelwa ngemali yokubhadela iindleko zokuhlinzwa kwakhe esibhedlela.
Ipikiswano le iveze umehluko phakathi kokukhuthaza abantu ngokusebenzisa imali ngendlela efaneleko, nokunganaki iqiniso abantu abalwela ukuphila abaqalene nalo.
