Ufihle umulotha ka yise e Cape Town ovela e USA
Odume khulu emkhakheni wokulingisa enarheni ye USA, ungqwabe umulotha ka yise nge pelaveke esfundeni se Western Cape.
U Gabrielle Union waveza ngomhlaka 3 Ntaka 2026 bonyana ubabakhe ubhubile.
Ubaba waka Gabrielle, obekade aneminyaka eyi-81 wabhubha ngemva kweskhathi eside alwa ipi yesifo sokulahlekelwa yikumbulo.
Abahlali benarha ye Sewula Afrika baveze imibono yabo ehlukahlukeneko ku vidiyo yomlingisi lo, evele eenkundleni zokuthintana ekhasini le MDN News.
Abalandeli abanengi bebamangele nababona u Gabrielle Union afihla uyise enarheni ye Sewula Afrika.
Ufihle umulotha ka yise u Sylvester “Cully” Union obekade alisotja elidala lepi endaweni yokwenza iwayini e Cape Town nge pelaveke.
Abantu abanengi bavezile imibono omunye wathi inarha ye Sewula Afrika ngeyokuzenzela.
Wabuya wabuza bonyana u Gabrielle unawo amaphepha afaneleko kikho lokhu.
Nokuthi ngabe akhona amaphepha afunekako wokungcwaba umulotha womuntu obekade angasuye wenarheni le.
Ubuze eminengi imibuzo ebalulekileko nokuthi ubhadele abaphathi bendawo yokwenza ama wayini namkha naye uneskhundla kiyo indawo leyo.
“Askhulumeni iqiniso, ngathani ngomunye umuntu obuya e Afrika ngathani nje siyarhwelela,” kwatjho omunye oveze umbono wakhe ekhasini le MDN News.
