Ukufuna umsebenzi kukatelela ilutjha ukuthi liboleke imali
Ukufuna umsebenzi kukatelela ilutjha leSewula Afrikha ukuthi liboleke imali.
Abafuna umsebenzi bathatha imali yabo yokugqina bayisebenzela ukukhwela iinthuthi, ukuthenga idatha lokusebenzisa i-inthanethi kanye nokukhipha amakhophi wemibhalo (printing).
Pheze ilutjha eliziingidi ezihlanu elineminyaka ephakathi kweli-15 kanye nama-34 alinayo imisebenzi.
Iindleko eziphezulu zokufaka iimbawo zomsebenzi zivimbela abanengi ekutholeni imisebenzi.
UKgothatso Mathabathe uneziqu ze-Yunivesithi kodwana akakawutholi umsebenzi.
Bekajwayele ukukhambisa ama-CV emakhampanini mathupha. Walisa ukwenza lokho ngombana iindleko zokukhamba nokudla beziphezulu khulu.
Bekufuneka aboleke imali ukuze akhambise izinto zakhe.
Manje, uMathabathe ufaka iimbawo zomsebenzi nge-inthanethi kodwana usebenzisa imali engaphezu kwe-R400 ngenyanga ku-datha.
Uthenga i-datha ye-1GB qobe-veke ukuze afune imisebenzi kumawebhusayithi.
Ukukhambisa ama-cv yindleko ekulu. Usebenzisa pheze i-R150 ngelanga kwiinthuthi ePitori.
“Ukufaka isibawo eqinisweni kukukwenza into ngokuthemba (leap of faith) nawunganayo imali,” kwatjho uMathabathe.
UMathabathe utjele i-Scrolla.Africa bonyana ulahlekelwe mathuba womsebenzi ngombana bekangakwazi ukubhadelela iinthuthi zokukhambisa ama-cv emakhampanini.
Lokhu kutjho bonyana ilutjha elingasebenzi liqalene nesimo esibudisi: lifuna imali yokufuna imisebenzi, kodwana lifuna imisebenzi ukuze lithole imali.
Umbiko lo siwuthola ku Scrolla.Africa
