Umvumi we-Gospel uSenyukele Zibobo uzisama ngerhwebo lokupheka

Ngesikhathi umvumo ujama, uSenyukele Zibobo akhange avume ukuwa umoya.

Umvumi we-Gospel ovela eSugarbush eduze kweMount Ayliff eEastern Cape, wathatha isiqunto sokuthola enye indlela yokwenza imali.

Namhlanje, u Zibobo waziwa ingasi ngomvumo wakhe kuphela, kodwana  ngokupheka ukudla kwesintu kanye nedombolo lakhe elidumileko elifakwe ikherothi egayiweko.

UZibobo utjele i-Scrolla.Africa bonyana ukuba mpheki kwaba  sinqunto esihle kunazo zoke azenzako.

Umkhakha womvumo unamajikajika, ngoba kezinye iinyanga ubizwa ngapha-nangapha ukuyokulapha abantu ngomvumo, kezinye kuthula kuthi tse.

Esikhundleni sokulinda ukubizwa, UZibobo wakha irhwebo elingasekela umndeni wakhe unyaka wonke.

FUNDA NALOKHU: https://ilangabinews.co.za/u-ntokozo-no-nqubeko-bakhumbula-iinkathi-zamzukwana/

“Bengifuna into yokuzisama ngayo mhlazana umvumo uthi tse,” kwatjho UZibobo.

UZibobo wafunda ukupheka ngesikhathi lapho bekaphethe irhwebo likaRharakhe ngaphambilini.

Kwathi ngamva,  wabamphathi we-Bread and Breakfast lapho bekafundisa khona abasebenzi ngomsebenzi. 

Ngemva kokuphetha iimfundo zakhe zokupheka, UZibobo wasungula ikhamphani yakhe iSenyukele Holding, wasungula ne-brand yokupheka ukudla i-Chef Senyu Oomphuza Oomakoti.