Ukusebenzisana kwabo kuvusa iinkulumo zokubuyelana

Umlingisi uSello Maake kaNcube nomkakhe waphambilini uPearl Mbewe, bavuse Amahem-hem wokubuyelana. 

Lokhu kwenzeka ngemva kokuthi basebenze ndawo yinye kuphrojekthi etja, iinyanga ezimbalwa ngemva kokuhlukana kwabo okwarhatjheka eenkundleni zokuthintana.

Ngokuya kombiko we-TimesLive, uPearl Mbewe nguye okhambisa i-‘publicity campaign’ yomdlalo omutjha kaSello i-Angels: They Are Amongst Us. 

Ukuhlangana kwabo ngezemisebenzi kudose amehlo wabantu, khulukhulu ngebanga lendlela ekwatjhabalala ngakho umtjhado wabo pepenene. 

UPearl Mbewe umemezele ukukhitjhwa kwefilimu leyo ngekhampani yakhe, nokuthi izokuveswa eendaweni ezifana neSter-Kinekor, iNu Metro kanye neAlpha Cinemas.

Ifilimu ibekaphakathi uBrümilda van Rensburg, kanye nomlingidi omkhulu uKeenan Arrison, kanti uSello naye udlala indima ekulu ebalulekileko emdlalweni lo.

FUNDA NALOKHU: https://ilangabinews.co.za/ulvovo-uveza-iintjhijilo-ahlangabezene-nazo-ngokugula-kugagasi-fm/

Ukubandakanyeka kwakaPearl Mbewe kwenze abantu bathathe lokhu njengetshwayo lokuthi iinthandani lezi zaphambilini zibekele iinkinga zabo zethando kude, okungasenani emsebenzini.

UPearl Mbewe kanye no Sello bahlukana ngonyaka ka-2024, bamemezela ukuphela komtjhado wabo ngoSinyikhaba 2024 emva kokutjhada ngo-2021.