U Mr Moloto usiza u Clement ngeendakamizwa

Umdlalo we Skeem Saam ku SABC 1 uzimisele ngokufundisa abantu, khulu-khulu ilutjha ngeentjhijilo ezikhona epilweni.

Enye yazo iintjhijilo lezi lilutjha elisebenzisa iindakamizwa.

Nje, i Skeem Saam ibeke umdlalo walo kwelinye izinga ngokubiza omunye owaziwa khulu eenkundleni zokuthintana bonyana avele emdlalweni lo.

U “Mr Moloto” uvela emdlalweni lo, ungenelela ukusiza omunye odla iindakamizwa.

U “Mr Moloto” wenza umsebenzi omuhle khulu enarheni-mazombe wokurhelebha abantu abasebenzisa iindakamizwa bonyana bathole irhelebho.

Isicetjhana se Skeem Saam, lapho siveze u “Mr Moloto” arhelebha umlingisi u Clement Letsoalo (Vusi Leremi) sivele eenkundleni zokuthintana ngo Losibili.

Ngo tjhirhweni 2026, ipilo yaka Clement yavela tjhatjhalazi, ngemva kokobana umndeni wakhe wazi ngokusebenzisa iindakamizwa kwakhe.

Izinto zibe nzima emndenini wakhe, begodu bafika lapho bangasarhoni ukuqalana nesimo lesi babodwa.

Kulapho ke ba thintane no Mr Moloto bonyana angenele begodu ahlalise u Clement phasi ngaphambili kokobana u Clement azimotjhele ipilo kanye nekusasa lakhe.I

bizo la ka “Mr Moloto” la mambala ngu Philly Moloto. U Philly Moloto usebenzela umphakathi begodu nguye owasungula i LADGAC Rehabilitation Centre, e Seshego, esfundeni se Limpopo.

U Mr Moloto waziwa khulu ngethando lakhe elinzima, nokungenelela ekusizeni abantu abasebenzisa iindakamizwa, ikakhulukazi abasebenzisa i Nyaope.