UMolefi Monaisa ungena kumdlalo waku-Netlix i-Umthetho

Umlingisi weSewula Afrikha odumileko uMolefi Monaisa, owaziwa ngeendima zakhe emidlalweni ye-Ga Re Dumele ne-Skeem Saam, uthole indima ku-Umthetho.

UMonaisa uzokudlala nomlingisi uSindi Dlathu, ozokudlala indima yokuba ngunogada wejele, emdlalweni ozokuvezwa ku-Netflix.

Umlingisi odumileko lo wathandwa ngendima ebegade ayidlala yembongi u “Wallet” ku-Skeem Saam.

Ohlaziya iindaba zakumabonakude eenkundleni zokuthintana uMlu, uqinisekise indima etjha kaMonaisa ekhasini lakhe le-X (Twitter)ngomhlaka 7 Velabahlinze 2026.

FUNDA NALOKHU: https://ilangabinews.co.za/halala-usindi-dlathu-ungena-kumdlalo-we-netlix-omutjha/

UMonaisa uzokudlala kanye nabalingisi abadumileko abanjengoHerald Khumalo owadlala ku-Smoke & Mirrors, uObed Baloyi we-Giyani: Land of Blood, uErnest Msibi, uLungelo Madondo, kanye noGiven Stuurman owadlala ku-Scandal!

Umdlalo we-Black Brain Pictures wakumabonakude lo uthathelwe emdlalweni we-Brazil i-Brotherhood, begodu uzokuthoma ukudlala ngomhlaka 14 Rhoboyi 2026.