UMoropa usungula ihlangano ngaphandle komkhakha wokulingisa

Umlingisi uLorraine Moropa uthome isigaba esitja epilweni yakhe.

UMoropa, usungule i-Lorraine SA Foundation.

Le yihlangano engazuzi imali, begodu ihloso yayo kubuyisela ithemba, ukugqina isithunzi sabantu kanye nokuphakamisa imiphakathi yeSewula Afrikha.

Ngokuya kombiko we-IOL, umlingisi uthule ihlangano le eenkundleni zokuthintana.

Wahlathulula bonyana lokhu kukufezekisa kwemithandazo yakhe yaphambilini – ukusebenzisa ipulatifomu yakhe ngehloso ekulu.

UMoropa ungene ekhasini lakhe le-Instagram lapho akhuluma ngekhambo elimfikise ekutheni asungule ihlangano ye-Lorraine SA Foundation.

Uthe ukumbatha ijunifomu yehlangano yakhe kukhombisa bonyana kumele ahole ngesirhawu bese ubeka abantu phambili ngaso soke isikhathi.

UMoropa uthokoze nabo boke abakwazileko ukuseka umbono wakhe, wathi ukukholwa kwabo ehlanganweni le kutjho ukuthoma kwekhambo elibalulekileko.

Uqedelele umyalezo wakhe ngevesi yeBhayibheli uLuka 12:48:

“Onikezwe okunengi, kuzokufunwa okunengi kuye.”