uNandi Ndathane uvule isifuba ngokujola noEmtee.

Umvumi notlola iingoma uNandi Ndathane uvule isifuba ngokuthola ithando nomvumi we-Rap uEmtee.

U Ndathane ukhulume godu nangekhambo lakhe emkhakheni womvumo kanye nomthelela kayise owalalako uShaluza Max Mntambo.

Umvumi lo uqoqisene ne Sowetan ngokuthi kuze njani ukuthi ukusebenzisana no Emtee kutjhuluke kube kuthandana kwabo. 

“Sahlangana ngomvumo. Bengise-studio [iinyanga ezimbili ezidlulileko] ngisebenza ku-project, kanti enye yeengoma beyidinga uEmtee ukuthi ngisebenzisane kanye naye. 

Umphathi wami wafinyelela kuye, wathula irekhodi, khonalapho wabonisa umdlandla wokusebenzisana kanye nami. Ngesikhathi okumele sigadangise umvumo, saba nama ‘technical issues’.” 

Umvumi lo utjele iSowetan bonyana gade anokusaba ukuthi ngekhe basaphumelela ngomsebenzi wokugadangisa ingoma yabo.

Kodwana uEmtee wabuya wenza isikhathi.

Uthi ngokuhlala naye iskhatjhana, ubone ihlangothi lakhe elihle ngaphandle kwaleli abantu abalibonako eenkundleni zokuthintana. 

Uthi ngaphambi kokobana bangene ebudlelwaneni, bathome ngokubabangani abakhulu.

U Ndathane ukhulume godu ngoyise owatlhongakala emathomeni konyaka ka 2014. 

Wathi uyise obegade angumvumi weMaskandi wamnikeza iimbusiso zokuragela phambili ngomvumo.

Nje, uthi okulandelako emsenzini wakhe njengomvumi kupholisa iinhliziyo.