UPhill Mphela uthi uJulius Malema akahlukane noMacG
Umbikindaba kanye nomrhatjhi we-podcast, uPhil Mphela uvele walwela umrhatjhi we-Podcast and Chill, uMacG.
Lokhu kulandele amezwi kaMongameli we-EFF uJulius Malema, osolela uMacG ngokubanomthelela omumbi kulutjha leMzansi.
UPhil waziwa khulu ngokuletha iindaba zabantu abadumileko, zakumabonwakude kanye nokwabelana ngeendaba ezitja emkhakheni wezokuzijabulisa eenkundleni zokuthintana kanye naku-podcast yakhe.
Emcociswaneni wamuva ku-podcast yabo, uPhil uthe uMacG ufanelwe yidumo ngokwakha enye yeenkundla zeendaba ezizijameleko, begodu zaphumelela khulu eMzansi.
I-podcast ikhule yaba yibhizinisi eliqatjha amakhulu wabantu bombala onzima eMzansi, begodu yenza namathuba kulutjha elinamarhono kwezokuzijabulisa.
Uthe akajameli uMacG ngebanga lobungani phakathi kwabo.
Kunalokho, ukhuluma wathi abosomabhizinisi bombala onzima abaphumeleleko akukafaneli baqalelwe phasi ngokwakha amathuba lapho imikhakha le ihluleke khona.
Ngokuya ngaye, uMacG wakhe ikundla eyenza abantu bezobukghwari babe namandla, begodu yavula iminyango kubantu abanengi emkhakheni lo.
