“Usese senarheni le”: UNdoyisile ubonakala ku-Hollywoodbets Durban July 2026

Owaziwa khulu eenkundleni zokuthintana, uNdoyisile Ndumiso Sibindi sele ayindaba-mlonyeni.

Lokho kwenzeke ngemva kokobana abonakale e-Hollywoodbets Durban July yangonyaka ka-2026.

Umrhwebi lo ophikiswako eenkundleni zokuthintana bekungomunye wobuso obaziwako obubonakele emnyanyeni lo ngomhlaka 4 Velabahlize 2026.

UNdoyisile Sibindi wangena edakeni ngaphambilini, ngemva kwemibiko eyaveza bonyana wabanjwa ngombana bekangenarheni yeSewula Afrika ngaphandle kwamaphepha afaneleko.

FUNDA NALOKHU: https://ilangabinews.co.za/utjela-abahlukumezi-bomfazi-wakhe-indaba-zabo-ku-tiktok/

Begodu wacalana nokubuyiselwa eZimbabwe. Esinye sesthombe sakaNdoyisile asivese ekhasini lakhe sisatjalaliswe nguMusa Khawula obika ngabosaziwako ku-X(Twitter).

“UNdoyisile Sibindi ku-Durban July yangonyaka ka-2026.”

Iposi kaMusa Khawula ivusulule iinkulumo eenkundleni zokuthintana ngesimo sikaNdoyisile Sibindi sokuba senarheni yeSewula Afrika ngaphandle kwamaphepha.

Abanye baphawula ngezambatho zakhe, kanti abanye bahleka nokuthi wenze kancani khulu ukufanisa ummongo womnyanya.”Usese senarheni le?” Kwabuza u @Ketshedile.