UMnikezwa Ngubane uthokoza ukusinda engozini yekoloyi

Umvumi uMnikezwa Ngubane ubala iimbusiso zakhe.

Umvumi lo uhlaselwe yisthongwana ngesikhathi atjhayela ngoSondo, ngomhlaka 6 Khukhulamungu, wagqina atjhayise ngekoloyi.

Umvumi oneminyaka ema-39 weMaphumulo, eKZN, uthe uthokoza uZimu bonyana bekungekho ezinye iinkoloyi eduze kwakhe ngesikhathi atjhayisa eduze neEastgate Mall eJwanasbhegi.

UNgubane bekabuya emsebenzini wokuvuma we-Mpumalanga Traditional Music Festival e-Witbank Puma Rugby Stadium.

Begodu bekakhambe nabantu abathathu abamugidelako, kanti abanye abane bebakhambe ngekoloyi enye.

UMnikezwa, ongumnakwabo kaMjikijelwa we-Maskandi osele adlulile ephasini, utjele i-Daily Sun bonyana nanoma ikoloyi ilimele kabuhlungu, uthokoza bonyana abakalimali.

“Besithukiwe makwenzeka ingozi le. Sithome sabona amaphazima athusako nezulu elikhulu nasele siseduze ne-Eastgate Mall kwabamnyama. Bekungabo 7 ekuseni, ngaphathwa sthongwana.

“Angazi ukuthi kwenzekeni emva kwalokho, kodwana ngiqabanga ukuthi ikoloyi pheze yaketuka singaphakathi, kodwana akhenge. 

“Sibe nenhlanhla yokuthi ikoloyi akhenge imotjheke khulu ngombana besizokulimala khulu. Amatayere kanye namavilo amotjheke khulu,” kwatjho UMnikezwa.

UMnikezwa uthi ukuhlaselwa sthongwana kanye nesimo sezulu esimbi ngikho okubange ingozi.

Ingozi yenzeke ngesikhathi umkhakha womvumi usalilela uScebi “Inkos’yamagcokama” Dlamini, odlule ephasini ngengozi emasikizi yekoloyi ngenyanga edlulileko.