Usomarhwebo we-Zimbabwe unikele nge R16 million yokubuyiswa kwabahlali

Usomarhwebo onemali obuya enarheni ye-Zimbabwe unikele nge R16 Million. 

Imali le izokusetjenziselwa ukubuyisela abantu benarha ye-Zimbabwe emakhabo.

U Kudakwashe Tagwirei kanye nomfazi wakhe u Sandra, banikele ngemali ebuya ku Foundation yabo.

Lokhu kuzokusiza abantu benarha ye-Zimbabwe abangenarheni ye-Sewula Afrika ngokungemthetho bonyana babuyele e-Zimbabwe.

Iseko leli lezemmali lizokurhelebha abantu ababalelwa ku-20 000 bonyana bathole iinthuthi zokubuyela emakhabo baphephile.

I-‘Ministry of Local Government and Public Works’ ye-Zimbabwe yamukele isizo lezemmali, ngomhlaka 26 Mngwengweni 2026.

FUNDA NALOKHU: https://ilangabinews.co.za/amaphandle-aphethe-ama-spaza-shop-esoweto-athi-akayindawo/

Isizo leli lizokubhadelela amabhesi azokulanda abantu benarha ye-Zimbabwe emadorobheni ahlukahlukeneko enarheni le.

Begodu izokuqinisekisa bonyana bayafika emiphakathini yemakhabo e-Zimbabwe.