Ziyanda iinkinga zakaLimpopo Boy!

Umvumi nogida khulu weSewula Afrikha uLimpopo Boy ukhitjhiwe ku-Creators Assembly 2026 eBotswana lapho bekabizwe ukuzokwenza adume ngakho.

Abahleli bomnyanya, ngokubambisana nabasekeli i-BBS Bank bathi u-Robert Matome Thoka oneminyaka ema-32, owaziwa  ngelikaLimpopo Boy, ususiwe kuhlelo lomnyanya.

Isaziso lesi siza ngemva kweenkulumo nepi ngebanga le-vidiyo yakhe yangasese erhatjheke eenkundleni zokuthintana.

Isaziso lesi sifike amalanga ambalwa ngemva kokobana isqhema saka-Limpopo Boy sibawe umphakathi bonyana ulise ukwabelana nge-vidiyo yakhe ebekuyifihlo ekuthiwa yasatjalaliswa ngaphandle kwemvumo yakhe.

Isqhema sakhe sithi sisebenzisana nabochwephetjhe be-cybersecurity, amagcwetha kanye neenkundla zokuthintana ukuphenya ukungenelelwa nokususa ividiyo leyo.

Abahleli be-Creators Assembly akhange baveze isizathu sokususwa kwakhe uLimpopo Boy kuhlelo.

“Nje siqabanga ukuthatha umuntu ofanelekileko ukuthatha iskhundla sakhe, begodu imininingwana engaphezu kwalokhu izakwaziswa ngesikhathi esifaneleko,” kwatjho abahleli.